துறவு
திருக்குறள்:
பற்றற்ற கண்ணே பிறப்பறுக்கும் மற்று
நிலையாமை காணப் படும்.
ADVERTISEMENTS
பற்றுகளைத் துறந்துவிட்டால், பிறப்பில் ஏற்படும் இன்ப
துன்பங்கள் வருவதில்லை. இல்லையேல், அந்த இன்ப துன்பங்கள் மாறிமாறி
வரக்கூடிய நிலையாமை தோன்றும்.
மு.வ உரை:
இருவகைப் பற்றும் அற்றபொழுதே அந்நிலை பிறவித் துன்பத்தை
ஒழிக்கும், இல்லையானால் (பிறவித்துன்பம் மாறி மாறி வந்து) நிலையாமைக்
காணப்படும்.
சாலமன் பாப்பையா உரை:
ஆசைகளை முழுவதுமாக விட்டபோதுதான் பிறப்பு என்னும் கட்டு அறுபடும்; விடவில்லை என்றால், பிறப்பு மறுபடியும் தொடரும்.
ADVERTISEMENTS
பற்று அற்ற கண்ணே பிறப்பு அறுக்கும் - ஒருவன்
இருவகைப்பற்றும் அற்ற பொழுதே அப்பற்று அறுதி அவன் பிறப்பை அறுக்கும்; மற்று
நிலையாமை காணப்படும் - அவை அறாதபொழுது அவற்றால் பிறந்து இறந்து வருகின்ற
நிலையாமை காணப்படும். (காரணமாகிய பொழுதே காரியமும் அற்றதாம் முறைமைபற்றி,
'பற்றற்ற கண்ணே' என்றார். ' அற்றது பற்றெனில், உற்றது வீடு' (திருவாய்
1-2-5)என்பதூஉம் அது பற்றி வந்தது. இவை இரண்டு பாட்டானும்அவ்விருமையும்
ஒருங்கு கூறப்பட்டன.).
மணக்குடவர் உரை:
ஒருவன் யாதொரு பொருளோடும் பற்றற்ற பொழுதே அது
பிறப்பையறுக்கும்: அதனை விடாதபோது நிலையாமை காணப்படும். இஃது எல்லாப்
பற்றினையும் அறுக்கப் பிறப்பு அறுமென்றது.
Translation:
When that which clings falls off, severed is being's tie;
All else will then be seen as instability.
ADVERTISEMENTS
At the moment
in which desire has been abandoned, (other) births will be cut off; when
that has not been done, instability will be seen.