திருவள்ளுவர் அருளிய திருக்குறள்

திருக்குறள்:
 உறுப்பொத்தல் மக்களொப்பு அன்றால் வெறுத்தக்க 
பண்பொத்தல் ஒப்பதாம் ஒப்பு.

கலைஞர் உரை:
நற்பண்பு
இல்லாதவர்களை அவர்களின் உடல் உறுப்புகளை மட்டுமே ஒப்பிட்டுப் பார்த்து
மக்கள் இனத்தில் சேர்த்துப் பேசுவது சரியல்ல; நற்பண்புகளால்
ஒத்திருப்பவர்களே மக்கள் எனப்படுவர்.

மு.வ உரை:
உடம்பால் ஒத்திருத்தல் மக்களோடு ஒப்புமை அன்று, பொருந்தத்தக்கப் பண்பால் ஒத்திருத்தலே கொள்ளத்தக்க ஒப்புமையாகும்.

சாலமன் பாப்பையா உரை:
உறுப்புக்களின் தோற்றத்தால் பிறருடன் ஒத்திருப்பது ஒப்பு ஆகாது; உள்ளத்துடன் இணையும் பண்பால் பிறருடன் ஒத்திருப்பதே ஒப்பு ஆகும்.

Translation:
Men are not one because their members seem alike to outward view;
Similitude of kindred quality makes likeness true.

Explanation:
Resemblance of bodies is no resemblance of souls; true resemblance is the resemblance of qualities that attract.