திருவள்ளுவர் அருளிய திருக்குறள்

திருக்குறள்:
 எண்பதத்தால் எய்தல் எளிதென்ப யார்மாட்டும் 
பண்புடைமை என்னும் வழக்கு.

கலைஞர் உரை:
யாராயிருந்தாலும்
அவர்களிடத்தில் எளிமையாகப் பழகினால், அதுவே பண்புடைமை என்கிற சிறந்த
ஒழுக்கத்தைப் பெறுவதற்கு எளிதான வழியாக அமையும்.

மு.வ உரை:
பண்பு உடையவராக வாழும் நல்வழியை, யாரிடத்திலும் எளிய செவ்வியுடன் இருப்பதால் அடைவது எளிது என்று கூறுவர்.

சாலமன் பாப்பையா உரை:
எவரும் தன்னை எளிதாகக் கண்டு பேசும் நிலையில் வாழ்ந்தால், பண்புடைமை என்னும் நல்வழியை அடைவது எளிது என்று நூலோர் கூறுவர்.

Translation:
Who easy access give to every man, they say,
Of kindly courtesy will learn with ease the way.

Explanation:
If one is easy of access to all, it will be easy for one to obtain the virtue called goodness.