திருவள்ளுவர் அருளிய திருக்குறள்

திருக்குறள்:
 குன்றேறி யானைப்போர் கண்டற்றால் தன்கைத்தொன்று 
உண்டாகச் செய்வான் வினை.

கலைஞர் உரை:
தன்
கைப்பொருளைக்கொண்டு ஒரு தொழில் செய்வது என்பது யானைகள் ஒன்றோடொன்று
போரிடும் போது இடையில் சிக்கிக் கொள்ளாமல் அந்தப் போரை ஒரு குன்றின் மீது
நின்று காண்பதைப் போன்று இலகுவானது.

மு.வ உரை:
தன் கைப்பொருள் ஒன்று தன்னிடம் இருக்க அதைக் கொண்டு ஒருவன் செயல் செய்தால், மலையின் மேல் ஏறி யானைப் போரைக் கண்டாற் போன்றது.

சாலமன் பாப்பையா உரை:
தன் கையிலே பணம் இருக்க ஒரு செயலைச் செய்யத் தொடங்குவது, ஒருவன் மலை மேல் ஏறி நின்று யானைச் சண்டையைக் கண்டது போலாம்.

Translation:
As one to view the strife of elephants who takes his stand,
On hill he's climbed, is he who works with money in his hand.

Explanation:
An undertaking of one who has wealth in one's hands is like viewing an elephant-fight from a hill-top.