திருவள்ளுவர் அருளிய திருக்குறள்

திருக்குறள்:
 அழக்கொண்ட எல்லாம் அழப்போம் இழப்பினும் 
பிற்பயக்கும் நற்பா லவை.

கலைஞர் உரை:
பிறர் அழத் திரட்டிய செல்வம் அழ அழப் போய்விடும். நல்வழியில் வந்த செல்வமென்றால் அதனை இழந்தாலும் மீண்டும் வந்து பயன் தரும்.

மு.வ உரை:
பிறர் வருந்துமாறு செய்து பெற்ற பொருள் எல்லாம்
பெற்றவன் வருந்துமாறு செய்து போய்விடும், நல்வழியில் வந்தவை
இழக்கப்பட்டாலும் பிறகு பயன் தரும்.

சாலமன் பாப்பையா உரை:
பிறர் அழ அவரிடம் இருந்து கவர்ந்த பொருள் எல்லாம் நாம்
அழ, நம்மை விட்டுப் போய்விடும். செயல் சுத்தத்தால் பெற்ற பொருளை நாம்
இழந்தாலும் அவை நமக்குத் திரும்பவும் பலன் கொடுக்கும்.

Translation:
What's gained through tears with tears shall go;
From loss good deeds entail harvests of blessings grow.

Explanation:
All
that has been obtained with tears (to the victim) will depart with
tears (to himself); but what has been by fair means; though with loss at
first, will afterwards yield fruit.